У госці да класіка

Студэнты групы 301 разам з куратарам наведалі літаратурна-мемарыяльны музей класіка беларускай літаратуры Якуба Коласа.

Музей месціцца за будынкам Нацыянальнай акадэміі навук Беларусі, у доме, дзе Колас жыў са сваёй сям’ёй у апошнія гады жыцця – з 1952 па 1956 гг. Тут можна не толькі больш даведацца пра творчасць выбітнага паэта і пісьменніка, творы якога мы ўсе ведаем са школы, але і ўбачыць, як жыў Якуб Колас: у музеі захаваліся яго кабінет, спальня, гасцёўня, сталовая, прадстаўлены асабістыя рэчы.

Шчыра дзякуем працаўнікам музея за цікавую экспазіцыю і пазнавальную экскурсію.