27 верасня адбылася імпрэза, прысвечаная прэзентацыі кнігі "Выбраныя творы" Пятра Васючэнкі (серыя "Беларускі кнігазбор"). Пятро Васючэнка – вядомы беларускі літаратуразнавец, крытык, празаік, драматург. З 1997 г па 2019 г. ён узначальваў кафедру беларускай мовы і літаратуры МДЛУ. У мерапрыемстве прынялі ўдзел студэнты і выкладчыкі ўніверсітэта. Запрошаны госць Ніна Іванаўна Здановіч (жонка П. Васючэнкі) падзялілася сваімі ўспамінамі і прэзентавала Цэнтру беларускай мовы і культуры некалькі рэдкіх выданняў. Дацэнт кафедры беларускай мовы і літаратуры Бурдзялева І. А. выступіла з літаратуразнаўчай ацэнкай творчай спадчыны Пятра Васючэнкі.